كيف تخطط لقضاء اجازتك

كيف تخطط لقضاء اجازتك ؟

هنوفر لك بعض النصائح لو بتخطط تقضى اجازتك ومش عارف هتقضيها فين ؟

هل تسافر تركيا ولا تسافر اسبانيا ولا تروح اندونسيا ولا اليونان ؟؟ دايما فى تساؤل هتسافر فين ؟ وامتى هتسافر ؟

ولو انت محدد انك هتسافر بلد معين ؟ يبقى لازم تعرف ايه افضل وقت تروح فيه البلد دى ؟

هنوضح بعض النقاط اللى على اساسها هتساعدك تخطط لقضاء اجازتك :

travel around the world

travel around the world

اولا : عامل المناخ والجو بتاع البلد اللى انت هتروحها .

لازم تدور فى الاول على طبيعة المتاخ الخاص بالبلد اللى هتسافر لها لان اوقات بيكون الجو شديد الحرارة او فيه سيول او عواصف او مواسم للامطار  وبالتحديد كمان دور على المناخ فى المدن اللى انت عايز تزورها واعرف طبيعة الجو فيها. 

الطقس والمناخ فى العالم

الطقس والمناخ فى العالم

وفيه بعض المواقع على الانترنت اللى ممكن تساعدك زى موقع 

The Best Time to Visit

دا من افضل المواقع اللى هتساعدك تعرف متوسط درجات الحرارة ومواسم الامطار لاشهر المدن السياحة بالعالم .

واذا كنت عارف ميعاد السفر بتاعك الموقع ممكن يقترح عليك بعض الدول لزيارتها .

كيف تخطط لقضاء اجازتك

كيف تخطط لقضاء اجازتك

وممكن تحدد بنفسك بعض العوامل فى الموقع مثل : 

  • تحديد شهر السفر .
  • تحديد لاى قارة ترغب فى السفر .
  • تحديد درجة الحرارة الصغرى .
  • تحديد درجة الحرارة .
  • عدد الايام الممطرة فى الشهر .

وبعدها تقدر تضغط على بحث والموقع سيقوم بترشيح بعض المدن التى تتوافق مع رغباتك لزيارتها .

وكمان الموقع دا بيقدمك خدمة اخرى اسمها country Guide والخدمة دى بتوضح لك ايه هو افضل توقيت لزيارة بلد معينة .

هتختار القارة اللى موجودة فيها البلد اللى انت عايز تزورها .. وبعدها هتختار البلد والموقع هيظهر لك اهم المدن السياحية بالدولة دى وافضل توقيت لزيارتها .

ثانيا : ميزانية السفر .

نيجى بقى للجزء المهم اللى بيشغل بال كتير مننا وهى ميزانية السفر . 

وخصوصا لو مسافر لدولة اوربية فى ظل عدم ثبات اسعار العملات .

احنا ممكن نقسم مصاريف السفر الى جزئين مهميم وهما :

ميزانية السفر

كيف تخطط لقضاء اجازتك – الميزانية

المصاريف اللى بتدفعها قبل السفر .

ودى ممكن تحسبها بسهولة مثل :

  •  تكلفة تذاكر الطيران 
  • التاشيرة 
  • حجز الاقامة 
  • تكايف الانتقالات الداخلية 

مصاريف ما بعد السفر .

والمصاريف دى اللى اكتر الناس بتكون قلقانة منها لانها مجهولة بالنسبة لهم والمصاريف دى بتشمل 

  • الاكل والشراب 
  • المزارات والرحلات الداخلية اذا كنت حاجزها مع شركة سياحة بتكون عارفها وممكن تحجزها كمان قبل السفر .
  • الهدايا والتسويق 
  • المواصلات الداخلية .

وفيه موقع هنا اسمه  Budget your trip 

الموقع دا هيساعدك تتعرف على متوسط المصاريف اللى ممكن تدفعها فى البلد اللى انت هتزورها . 

الميزة اللى فى الموقع دا انه مقسم مستوى المصاريف الى 3 اقسام : 

 

  • الناس اللى معها فلوس ومحتاجة خدمات مميزة  Luxury 
  • الناس اللى محتاجة مستوى متوسط  Mid range 
  • والمستوى الارخص  cheap 

وبيوضح لك اهم البنود اللى ممكن تصرف فيها فلوس فى يومك هناك من خدمات الاقامة للاكل والشرب والمواصلات و غيرها . كل دا بيديك مؤشر عن مستوى انفاقك فى البلد دى .

وكمان الموقع هنا بيسهل لك فكرة المقارنة بين الدول وبعضها ومستوى انفاقك فى كل بلد هيكون اد ايه اللى على اساسه هتقدر تحدد وجهتك للسفر وقضاء اجازتك .

كيف تخطط لقضاء اجازتك الجزء الاول .

#يتبع